Publicación destacada

Queres estar informado das actividades da ANPA?

Subscríbete escribindo unha mensaxe a: anpa.iesrosaliadecastro@edu.xunta.es Asunto: ALTA

venres, 24 de febreiro de 2017

Intercambio inglés con Hockerill

Circular dirixida ao alumnado de 2º ESO interesado en facer un intercambio de 10 días ou de 6 semanas cos alumnos do Hockerill Anglo-European College, situado cerca de Londres.

Os alumnos interesados en participar deben entregar a seguinte ficha antes das 14h do 23 de marzo na Secretaría do Centro: FORMULARIO
O custe será de 700 € para o intercambio de 10 días e unha cantidade similar para o de 6 semanas.

Inmersión lingüística Irlanda e Reino Unido

Convocatoria da reunión

O mércores 22 de febreiro de 2017, ás 18:30h tivo lugar unha reunión informativa sobre inmersión lingüística en Irlanda e Reino Unido por parte da empresa Jump into English.

Para esta reunión o Instituto enviou circular aos estudantes que están estudiando actualmente 2º e 3º da ESO, para realizar a estancia o 1º trimestre ou o comezo (7 semanas) do curso 2017-18

O director informa de que en caso de ir un trimestre completo, os alumnos non terán que facer os exames da 1ª avaliación.

xoves, 2 de febreiro de 2017

II Feira das profesións: Imaxes

Onte tivo lugar a II Feira das Profesións no IES Rosalía de Castro

Queremos agradecer dende a ANPA a participación desinteresada dos casi 100 profesionais de tódalas áreas que atenderon as inquedanzas dos estudantes sobre o seu futuro profesional.
Tamén agradecemos a grande colaboración por parte da dirección do Instituto para levar a cabo con éxito esta tarefa.

Como de todo se aprende, esperamos os vosos comentarios!
GRAZAS!

En la prensa:
El Rosalía cita a casi 100 expertos para guiar el futuro de sus alumnos (El Correo Gallego, 31/1/2017)
La Feira das Profesións explica en el Rosalía salidas de futuro (La Voz de Galicia, 31/1/2017)

Unha pequena mostra da II Feira

luns, 23 de xaneiro de 2017

II Feira das profesións

Confirmada a participación de case 100 profesionais
Recordade que a feira celebrarase o 30 de xaneiro de 17:30 a 19:00 na planta alta do IES Rosalía de Castro.
A feira está dirixida principalmente a estudantes de bacharelato e 4º ESO, pero pode asistir calquera estudante do IES Rosalía de Castro. 
Como o curso pasado, distribuirase por aulas:
  • Aula Arte e Deseño: arte dramático, belas artes (ilustrador, escultor), arquitectura, arquitectura efímera, deseño de produto, deseño de moda, director de orquesta e pianista 
  • Aula Enxeñarías: agronóma, enerxía, industrial, informática, telecomunicacións, química, topografía, forestal, estudos técnicos de ciclo superior
  • Aula Ciencias Experimentais e Matemáticas: bioloxía, física, matemáticas, química, técnico de laboratorio
  • Aula Ciencias da Saúde: enfermaría, farmacia, fisioterapia, medicina (oftalmólogo, radiólogo, neurocirurxán, investigador en xenética forense), odontoloxía, óptica, psicoloxía, veterinaria, etoloxía). 
  • Aula Ciencias Sociais I: economía, empresa, publicidade, turismo, xornalismo, comunicación audiovisual, xeografía, estudos de ciclo superior turismo, hostelería, tripulantes de cabina 
  • Aula Humanidades e Ciencias Sociais II: Políticas, Historia, Historia da Arte, Xeografía, arqueoloxía, información e documentación, filosofía, filoloxías, traducción, educación infantil e primaria, pedagoxía, traballo social, INEF 
  • Aula Ciencias Xurídicas e Seguridade: avogado, notario, criminoloxía, inspector de policía, policía, maxistrado, inspector de facenda, relacións internacionais

Presentación do libro de Jorge Mira (24 xaneiro, 12h)

O alumnado de 2º e 3º da ESO do Instituto Plurilingüe Rosalía de Castro de Santiago será o encargado de presentar o libro 
¿A que altura está o ceo? (Alvarellos Editora) de Jorge Mira
nun acto que se celebrará o martes 24 ás 12 horas no salón de actos deste centro docente
Participarán, ademais do autor, o director do IES, Ubaldo Rueda e o editor, Henrique Alvarellos. 

Os alumnos de 2º e 3º da ESO do Instituto están a traballar este curso, como complemento ás súas clases, cos contidos desta nova obra do científico Jorge Mira, un libro que vai xa pola súa segunda edición (máis de 1.000 exemplares vendidos) e foi, en 2016, un dos ensaios galegos máis lidos no país.
 
O instituto e a editorial fan extensiva a invitación a tódolos pais e nais que queiran asistir.
 

luns, 16 de xaneiro de 2017

II FEIRA DAS PROFESIÓNS: 30 XANEIRO 2017

Xa temos data para a II Feira das profesións.Será o 30 de xaneiro de 17:30 a 19:00 na planta alta do IES Rosalía de Castro.
PRECISAMOS NAIS/PAIS  DE DISTINTAS PROFESIÓNS PARA ORIENTAR AOS ESTUDANTES: enxeñeiros, médicos, biólogos, artistas, músicos, mestres, titulados de ciclos superiores, investigadores, economistas, matemáticos, químicos,...
TAMÉN PRECISAMOS ESTUDANTES de distintas titulacións e/ou ciclos superiores que poidan explicar cómo é cada estudo na actualidade. Especialmente os ex-alumnos do IES Rosalía, que seguro estarán encantados de vir.
Se queres participar, ponte en contacto con nós: (anpa.iesrosaliadecastro@edu.xunta.es).

luns, 28 de novembro de 2016

II Feira de profesións: Participa!!

Cándo? LUNS 30 DE XANEIRO DE 2017 de 17:30 a 19:0
Onde? no IES Rosalía de Castro, aulas do 1º andar
Para quén? Alumn@s de Bacharelato e 4º de ESO

Acordaste cando tiñas 16 ou 17 anos?
Sabías o que querías ser de adulto?
Xa o tiñas todo claro?

 A meirande parte de nós, non. Por iso, queremos axudar aos nosos fillos nesta importante decisión e nada mellor que a vida mesma.
Queremos encher as salas de profesionais dos diferentes sectores para responder dúbidas e compartir experiencias cos rapaces e rapazas.
Sabemos que as preguntas que poidan facer son imprevisibles, pero de certo poderán axudarlles un chisco a tomar a decisión correcta, ao escoitar consellos, itinerarios de estudos, a realidade de traballar nas diferentes profesións, e moitas máis inquedanzas que non se nos ocorren a nós, pero a el@s si.
Estamos a xuntar un grupo variado de profesionais, pero ademais:
Entre todos os pais e nais sabemos que temos unha mostra nutrida de profesionais e somos os primeiros interesados en orientar aos nosos fillos.
Se queres participar e sentarte no pupitre para responder ás preguntas dos rapaces, ponte en contacto con nós (anpa.iesrosaliadecastro@edu.xunta.es).

Unha pequena mostra da I Feira (abril 2016)